HETAH HIAN KA KUT THAK ################################################################### RAMHLUN VENGTHAR

Oct 26, 2012

Nghakuarium ka buaipui leh ta

(Pic 1 : A lo hnai zawk hi Guppy nu rai, a hla zawk a sen deuh hi platty/swordtail nu rai) 

 Hmanah, 1997 vel khan exam chawlh laiin Tinkle ka chhiar a, fact and figure tih vel page-ah hian GUPPY chanchin an ziak a, tui taka ka chhiar zawhah ka tho hlawt a, ka khawl bawma pawisa nawi tel lo zawng cheng 220 ka la chhuak a, tuna Khatla High School venga awm ta Discovery Aquarium dawr, chutih laia Chanmari biak in hnung, tuna ar hem hmin an zawrhna vela awmah sawn bus-in ka kal a, tank engmah nei lem lo chuan guppy 6, a pa 3 leh a nu 3, pakhat cheng 10 zelin ka va lei ve ta ngawt a....

(Pic 2: same with pic 1 description - Tunah hian no nei trep guppy nu 2 leh platty/swordtail nu pakhat an awm) 

Keima siamchawp 1X1/2 inch tank-ah chuan ka dah a, a hnuah equipment ka lei belh a, ka buaipui ta phian a, Bazaar bung hnuaia ZO HILLS tih awm thrin te, Khatla JL Cinema Hall hnuaia Coral Lagoon ah te khan ka leng deuh reng a, Coral Lagoon neitute nen phei kha chuan kan inhmelhriat thra hle a, anni kha sikulah zirtirtu hna a thawh dawn avangin a thil zawrh tihtawp a duh a, a show case tank lian zet 3X1.5ft chu cheng 1800 in ka leisak a, ka buaipui chho ta char char a, 2000 kum khan ka tank ka tih pawp avangin ka hralh leh ta mai a... kum 11 a ral hnuah ka thar thawh leh ta.

(Pic 3: Hei hi ka molly dum leh guppy nu pakhat no an ni a, 8X5.5inch-ah hetia no an neihna tur hian ka siam chawp a ni) 

Ka Nghakuarium thar chu 1ft squareX1.5 ft height leka lian a ni a, 'Nano Harmony - A home for Livebearer' tiin ka vuah a, Guppy leh molly bakah swordtail(ka chiang chiah lo va, platty pawh ang trep) ka dah khawm a..., Molly zingah - Sailfin, Golden, Black leh Lyretail ka dah a, Guppy hi cobra/leopard leh black tail an ni deuh mai awm e... Molly dum lianin no 15-20 vel a nei a, tunah main tank-ah 10 bawr an awm a, a zat hi chhiar mai a har a, lung kar leh hmun kil khawrah an biru a, pahnih ka dah hrang bawk a, Guppy no 25 vel ka la enkawl bawk a, kan chhangchhe viau... Vawi khatah no hi nei treuh mah sela, eng zat nge dam chhuakin puitling ang ka sawi maithei lo... Ka phulpui leh ta viau mai... Sangha khawi (Aquarium) hi nuam ka ti a, min tihlim a, ngaihtuahna tawt lutuk turte min tihdanglamsak a, hunawl hnawh khahna atan pawh thil thra tak niin ka hria

8 comments:

  1. a buaipui a hautak em??? a rem chuan a nawm hmel mai mai ka ti asin Pu Kleitawn !

    ReplyDelete
    Replies
    1. Hautak lo ve, filter neih thrat phei chuan thla thum te tui thlak a ngai lo... Chuan, PHE tui thahna neutraliser hi a awm a, a that vek thei

      Delete
  2. This comment has been removed by the author.

    ReplyDelete
  3. Dana hmun chu nei ila ka buaipui peih ve maithei a ni :)

    ReplyDelete
  4. Replies
    1. Kei pawh dahna ka nei lo, a tirah fridge chungah ka dah a, a rit lutuk a, fridge in a tawrh ka hlau va, bedroom-ah komputer dawhkan bulah ka dah tawp

      Delete
  5. Hеllo, I'm Christa and I'ѵe rесеntly bеgun
    tо get into what you're speaking about. I am not certain where you’re getting your facts, but good job even so. I ought to spend some more time learning and understanding more. Thanks for the article: I was looking for this info for my goal.

    Look at my web-site: modded xbox 360 controller

    ReplyDelete
  6. Greetings, I'm Gabriele and I've recently started to get involved
    with what you're talking about. I am not sure where you’re obtaining your details, but great job anyway. I really should devote some more time learning and understanding much more. Thanks for the article: I was looking for this info for my mission.

    Also visit my blog post :: intrinsic

    ReplyDelete