Khawngaihna avanga danglamna

Khaw lum lutuk hnuaia Bazar lun taka kal chu ninawm tak a ni. Ka thil leite chu a man ka pe dawn a. A man dawngtu dawhkanah hmaah chuan mipa naupang tê tak tê, kum 7 bawr vel hi a ding ran a. A kut lehlamah chuan nautelem a keng bawk a.

“Mama, i pawisa ken hian he nautelem leina tur hi a daih lo a ni,” tiin dawr nghaktu chuan naupang chu a lo hrilh a.

Mipa naupang chuan ka lam rawn hawi pah hian, “Ka pi, enteh ka pawisa hian a lei thei ti raw?” tih pahin a pawisa chu min hmuhtir a.

“Mama, a daih lo a ni,” tiin ka chhang a.
A nautelem kenlai chu dah ta chuang lo chuan, “Ka unaunu pianchama pek atan ka duh a. Ka nu ka thawm tura ka tih a nia,” a ti a. A mitmeng chu a rawn danglam a, a lungchhe hle tih a hriat theih.

“Ka farnu chu vanram-ah a kal tawh. Ka nu pawh vanramah a kal dawn tawh a, a mu reng.”
Ka thin chu a phu deuh zawk a. “Ka pa hnenah Bazar atrang ka rawn haw hma chu ka nu chuan min lo nghak turin ka hrilh a ni,” a la ti zui!

A mit atranga mittui rawn hnam triam triam chung chuan a nautelem kenlai chu a en leh hram a, a dan zawh lo a mittui chuan ka ke a far ta.

Rang takin ka ipte chu ka phawrh a, a hmuh loh hlan chuan pawisa ka phawrh a. “Khawi maw, i pawisa chuan a daih ka ringa ni,” tiin a pawisa leh ka pawisa chu ka belhbawm ta a.

“Lalpa, ka mamawh zat pawisa min pek avangin ka lawm e. Nizan khan ka mut dawnah Pathian hnenah ka trawngtrai a, ka mamawh leina tur ka dil a, min pe a ni. Ka nu khan rose var a ngaina hle a, ka farnu ta tur nautelem ka lei thei bawk. Ka thlalak pawh ka kentir dawn tak asin, ka farnu chuan min lo theihnghilh palh ka hlau va,” a ti a. Lawm takin dawr chu a chhuahsan ta a.

Ka rilruah chuan chu naupang chanchin chu a cham reng a, an chhungkaw chanchin chiang zawka hriat chakna chuan ka khat bawk.

Kar khat a liam a, chanchinbu atrangin naupang nu chu a thi a ni tih ka hria a. A vuina huna tel ve turin ka chhuak ta a.

Rose var par bawr tam tham tak ka keng a, a ruang awmna ka thlen chuan kuangah hian an lo zalh a. Nautelem leh rose par var an pawmtir bawk. A hmel chu hrehawm nasa tak tuar hrep a ni tih a hriat a, nimah sela a hlim a ni.

Vuina hun chu mittui tla treuh chungin ka hmang tluan ta zak a. Ka ngaihtuahna leh ka nun a khawih takzet a ni.

Mipa naupangin a farnu leh a nu a hmangaih dan chun ka hnuk a tiulh a, ka ngaihtuahna a la hle. Chumi phena truck khalhtu zu ngawlvei chuan ka thin a tirim bawk!