LOCAL CHANNEL vs POLITICIAN vs MIPUI

Mizoram, a bikin Aizawl chu kum 10 chuang zet Local Channel (Skylinks, LPS, Zonet etc.) kan tihten kan thrut hmun pindan min luahpui ta reng mai. Mahni trawng ngeia chanchinthar en tur awm te, phalna an neih kan hriat lem loh hnam dang trawng an lehlin channel thlengin kan thruthmun min trawmpui ta. Hmasawnna rahbi thar kan rap zel a, hma kan sawn zel a ni e. Heng Local Cable te zar kan zo thei hi kan vannei kher mai. Anni pawhin an hlawkpui!

Local Channel kan ngaisang
Mizoramah eng intihsiakna hmang hmang emawin Mizo mipuite min awi tlei a. A nungchunga kan en turin min chhawpsak thrin. Intihsiak mai a ni law ~ entur hmuhnawm tak tak - Hnamdang trawng, phalna nei miah lo min lehsak chinah ngat phei hi chuan heng kan Local Channel neihte hi kan Pathian biak lo chauh va, kan ngaisang em em tawh.

Nun phung tikhaihlaktu an ni (em?)
Chaw ei a hun a, Korean film lehlin hmuhnawm an rawn pek chuan Mami en zawh nghah khawtlai phawt a ngai. Chhung inkhawm kan nei mumal thei lo etc.. vel hi chhungkaw tam tak sawilan ngam loh, a ruka an tawrh thil a ni. Khawhar in kal a hun a, a chhuah hun nen a lo inmil tlat avanga Khawhar in kal ta lo veng tinin dawrzawn khat vel chu kan kawl. A dang pawh a awm treuh. Nunphung tikhaihlaktu a lo ni reng a ni (em?)

Lo pathian loh chi pawh a ni lo
Mizoram Inthlanpui atan Party Candidate-te Local Channel threnkhatin an kawm a. Party threnkhat mi leh sa an lan loh avangin veng/khaw threnkhat chu an thinrim nia. Party candidate pakhat pawh MPF nen programme an siamnaah chumi zan chuan chumi Local Channel-ah min kawm dawn a, khami kha chu tisukuk lo hram rawh u tiin a ngen a ni awm e. Kan ram hruaitu tura dingte pawhin heti taka Local Channel pakhat an hlauhva an tlawn chuan keini an beramte chuan lo Pathian biak mah ila sual a ni lo ve.

I tel lova kal thei lo an ni asin
Nangmah avang liau liauva he Local Channel hi chhuak thei leh chhuah thei an ni tih hre reng la, i hmuhnawm tih zawng an zawnsak ang che a, i rilru kaipeng thei tur an ngaihtuah reng bawk ang tih i hriat chuan hengte lakah hi i ropuina i hmuh hmaih lo vang.

Local Channel-te u in dawn chiang lo a ni
In show pakhat neih avanga ram pum hmel danglam theihna power in nei. Kan hria. Chutih rual chuan show zawh loh tur show in nei fo erawh hi chu mipui intibuai zo va, rilru sukthlek inthlak danglam a, a thra lam aiin a chhe lam in thlen thei tih ngaihtuah teh u. Mi pakhat thu duh luat vang emaw, sponsorship neih thrat tum vang emaw, hlawkna um luat avanga mipuite chhuanlama show siam hi THIL TENAWM a ni. He show hian eng nge a nghawng ang tih hi dawn tel a ngai a, a tira mipuiten an bawr huk ang reng hi a ni dawn lo tih hre mawl teh u.
Chutiang chiah chuan Inthlana Candidate tam zawk chu Local Channel threnkhatten platform ang reng insiamsak a, MPF te hmalaknaa siam a nih reng laiin mipuite rilru kaihpenna atan show inbuatsaih a. In show siamlai leh party threnkhat campaign-lai/chhiattawhlai/dam loh etc... a lo inrual a. An dinna bial mipuite hmaa an din hman loh trumin Bial mipuite tan beidawnna in siamsak a ni tih chu inhriat ve ngei ka ring. Kum dangah chuan kan ram a thratna tur zawkin hetiang diak diaka kal lo hian Political Party hruaitu threuh debate etc hi siam zawk mai rawh u.