2008: My Diary

Nia! Zingah ni a chhuak a, tlaiah a tla leh a, chumi mil tur chuan ka nung a ni mai! Hrehawm ka tih leh nuam ka tih kha a inbuk tawn lovin ka hria. Ka khawvel kha a hnawk ru tlat a, zep thren ngai a awm nual. Ka hna a tluang viau dawn a, kum tawp lamah a sukuk khaw lo va, ka insawn ta a nih kha. Kohhran ka bel thra peih lo va, hruaitute ka kham a, inkhawm ka thlah hlauh! YMA hruaitu ni chung khan chhiat tawk an awm a tlaivar ka nei lo. Eng dang ni lovin nupuite chhuanlam thra tak an lo awm a, dawihzep chi a lo ni bawk nen. Ka faten kal an zir a, engkim an zir, an kianga awm a nuam em em a, min tihlimtu leh ka nun tikimtu an ni a, an kianga ka awm tam poh leh zirtur ka ngah tih ka hrechhuak ziah thrin. Kan nu nen hian kan inhau ngai lem lo va, kan induat ngai lem hlei lo va, chuti chung chuan a haw har chang hian ka lo thinrim ve urh thrin nia! Ka ngaihtuah chian poh leh kan chunga rinawm tlat, min phatsan lotu leh min chenchilh tlattu Pathian kan nei hi kan vannei ka ti thrin. Ani'n min hnaih a duh a, thil chi hrang hrang hmangin min kar a, keiin ka hlat lui zel a, hlat thei ang bera awmsan ka duh apiangin amah ka mamawh a zual zel a lo ni.