Khawngaihna Mak Mawi leh Duhawm tih hla avang hian maicham vawi engzah nge i pan tawh a, i lo inhlan tawh tih lam rilruah a riak lo va. He hla phena mi ropui hian rilru a la peng a, ngaihtuahna a tithui!
John Newton kha...
John Newton, mi awm herh, mi hang sal hmanga sumdawng, a salte chunga uchuak taka tisa chakna hrithla thrin leh Khawngaihna Mak kawng chhuk chho chanchin hian mi tam takte lairil a fan hauh lo! Enteh! Khatihlai khan British; khawvela roreltu khan sal an chhawr a, an chhep a ni.
Khatia John Newton-a meuh misual hrât khawkhengin sal hralh a bansan thu khan kar khat vel bak titi daih a siam lo va. Sal chu chhawr chhunzawm an ni a, tihduhdah chhunzawm an la ni ta zel a, ani erawh a intithianghlim a, Pathian rawng a bawl ta daih. Chutah farisai-te anga langsara rawngbawl ngaisang lo tak a la ni zui!
A lo lang a lawm hei!
Hull-ah chuan sal-te tan fapa a lo piang a, a hmingah chuan William Wilberforce an sa a, a ramin kin ni a neih hma zawng Sal-te tan zalenna dar vua-in a hun a hmang a. A hlawhtling a, a thihsan ta.
Fiamthu thin khei, dik feka mi kah thiam, trawngkam thiam tak a nih avangin he M.A. val hian mite hriat a hlawh a. House of Lords-a Member of Parliament hna a han chelh takah phei kha chuan amah ngeitu tam tak zingah amah trantu chu a zahve vel an ni a. Ngeiawma chu a lo lang ta!
A phen atrangin
Kristian thra tak, nu leh pa atranga sakhaw lam ngaihsak mi a nih avangin atan John Newton-a hi mi danglam a ni lo. Heti chung hian Newton-a hnenah kalin a puihna a dil fo va. Newton-a erawh chuan a chanchin a hrilh thra duh ngai lo. Amah avanga hrehawm nasa tak tuartute kha a mitthlaah an cham reng thrin avangin sal a hralh dan vel kha a sawi duh ngai lo a ni.
Beidawng lovin a thawhpuite chu a hmin zel a. Khatihlaia sal trangkai dan kha chu ngaihtuah phâk bâk a ni. Sal kha chhawr ta lo se thingpui thlum in tur an nei lo nghal..., a dang pawh a tam. Chuti chung chuan sal chhuah an nih theih nan thingpui thlum a nghei a, a bei nasa a ni.
Kum eng emaw zah a beih hnuah John Newton-a chuan a lehkhabu published turin a pe a. He lehkhabu hi Newton-a mitdel hnua ziah a ni. Newton-a chuan ka in a sawi a, trap chunga a sawite chu mi pakhatin a ziahsak a. Lehkhabu chhuah tur a pek paha a thusawi chu ngaihnawm tak a ni tih hian duhtawk phawt ang. John Newton-a hriatlai ngei maiin House of Lords-ah chuan hnehna ropui a chang ta. British lal rama sal zalenna thu chu. Kha mitdel Newton-a pawh kha a lawm asin aw.
Napolean-a anga tharum hmanga hnehna chang thrinte hi mi ropui kan ti. William Wilberforce hi a lawm he Khawngaihna Mak phena Mawi leh Duhawm a chu. Sal chhuahna tur atana a beihna hi ngaihnawm a ni satliah lo va, ropui a ni. - D
0 Comments