Senior in ti maw?!

Vau thla a ni a, lunglen hnawt tiau rawk khawpin naupang bulah kan râk nileng a. Khaw han lum dan em em chu ngaihtuahna tibuai map khawp a ni. Hla taka romei zamte chu lo hal khuk vel mai mai a ni tih hriat phei chuan lung hi a leng thei mawlh lo zu nia! Râlkhatah chuan rimawi a ri riai riai a, mut tichhuak mai a ni. Mahse, ngun lehzuala han ngaihthlak chuan ka hriat hnu a ni ngei mai! Lairil a fan nghal zar a, ngaihtuahna a tibuai ta vek zu nia! 

Thian thenkhat, than thu niawm taka kum sawmli ral kai dawn; ngai la awh mekte min hriatchhuah tir a, ka thian kha ka mitthla nghal. Ka rimawi ngaihthlak mek nena an inkungkaihna hre miah si lo hian Senior tiin hnunglama sawi zui a hlawh fo va, hrechiang ve ngat se zawng an khawngaih lo pawhin an hrethiam ve tho vang. 

A hun lai chuan... 

Mizo zingah chuan a lian pawl tih tur a ni a. A hmela chuai awm chuan mi tam takte thawk a tidanglam ve fo thin. Hmangaihna khawvelah a inhnimlut a, hmangaihte lennaah hian hmangaihtu pawh a tawng ve nual. Mahse, a chhia leh tha hriatna erawh chuan duhthlan tur a hre ngai miah lo. Chu chu a mak lo. Mi danglam tak, mi invawng thei tak, ze zawi raih ang a ni miau a tin ni. A invawng thianghlimnate chu amaha a chhuan em emte an ni. 

Tawn sa loh loh! 

 Tichuan, midanglam a tawng a, a HMANGAIH chu. A rilru zawng zawng a pe a, a neih engmah a ui lo. Vawi khat mai a ni lo, vawi tam a hlan tak a hmangaihna chu lakkir theih rual loh a HMANGAIHNA FIR nena char hnan a ni. Eng dang a ngai lo, tudang a mamawh hek lo. A kianga a awm chuan a lung a muang em em ringawt a. Amaha a lo chhuan ve fo thinte chu a hre chang tawh ngai lo. 

Tang dang nen maw? 

 An college-a chhe lo ber nena inkawp an ni bawk a, an kalna apiang chu news hi a ni ringawt. Tute emaw chuan an mitsir leh ralh ralh thin a, an pelh hnute hian an inhrilhru leh malh malh thin. Tum khat chu mi trawngkam atrang a hmangaih chuan ngaihzawng dang a neih thu a lo hria a. Mahse, a ni chuan an thik vangah ngaiin engah mah a ngai duh lo. Chawlhni tlai khat chu len khaw thawn pahin Aizawl view lamah a unaute nen an kal a. Kawng chho laia an kal chu thutthleng pakhatah hian a hmangaih tak mai chu mi dang nen inhaw lo tih hriat tak hian an lo inkuah chial a hmuh meuh chuan a rilru na lutuk chu a thu hnawk a. Hnuai lam bih ngar ngar pahin a tiril chu a khur char char a. Khati khawpa a rin khan a bum a ni. A thei tawh loh Nasa takin a tuar a, kum eng emaw zah chu a tuar a ni. Hmangaihna khurah thuk taka a inhnim phum a, hmangaihna pawn lang bera hmangaih a ni kha mi pangai tan chuan tawrh zawh rual a ni lo. A chapopui zawng zawngte chu dah bovin awlsam takin a thinlung a hlan ta mai a. Mahse, trang dang a belh san meuh chuan thinlung lungchhia bak engmawh hnutchhiah reng a nei lo. Chuvang chuan a lawm heti chen kawppui nei lova a khawsak tak reng ni. Aw.., Richard Marx-a ballad; I’m never gonna fall in in love again tih hla mawlh mai hi amah a phuah chhan hi a ni ta ve ang.