Kan Picnic

March ni 6 kha a lo ni leh ta reng mai! Kan nute office picnic-naah inthlahrung hauh lovin ka kal ve chawm a. Zing dar 5:30-ah chhuakin kan innghahkhawmna atrangin dar 6:00am-ah kan chhuak a. Bus-ah thawl nuam takin kan kalna tur lam kan pan.


Khua a thiang a, aizawl atrangin chhim lam kan pan a, aibawk lamah kalin sateek piahah pek a awm a, chutah chuan kan chhuk vang vang a, bus chu a leng chang chang, kawng erawh a thra phian a, motor dang nen inpel dawn ila km1 vel chu back a ngai! Motor thlen theihna tawp kan thleng a, kan bungrua kan inkhai chhuak a. Lei hruia dawh kan zawh ta. Ka la zawh ngai reng reng lo lehnghal. A sang ang reng fu a, a then thei lehnghal a. Ka hlau rilru hle. Hnuailam pawh en mang lovin ka zawh liam ve!



Kan kal ta zel a, chhuk chho thui tak kawng kan zawh... Kan kalna lah chu an te em em khawp a, a hlauhawm bawk si. Kham ang reng, Tlawng lui kam zawhin kan kal a, a vutin lei a hnip bawk si, rah sual vaih chuan tlawng lui li dum nguk chuan min lo hmuak ran tih kan hre reng bawk! Km2 dawn kein kan kal a, kan tum ram kan thleng ta. Riah buk an sualna hnuhma a awm nual mai.





Sangha kan man nual a, rinai takin a lo la tam, kan kalna hmun hi Zotui lui an tia. A tui a zo thra a, a thiang em em nachungin chinai hmangin an suasam nasa lutuk a, sangha leh tuia cheng nungcha thi an awm nual. Hah hnepa sangha kan man hnuah tui kan cheng a, a vawt phian. Kan sanghate chu kan han insem tlang a, rinai takin kan chang tam hlawm. A hmunah kan chhum bawk. Thrut tun a har khawp a, hetianga chaw ei hi ka ti hlei thei lo. Chawhmeh a tui teh reng nen ka ei a tui lo kher mai. A nawm dan a dang a, a adventurous ve riau, ka tawn vawi khatna a ni. Kham rang rem deuh, mihring tan erawh kal harsa tak turah chuan zawng an ri noh noh mai.