Lemziak avangin Muslim khawvel a buai chiam a, thuziak avangin Kristian khawvel chu sawinghinin a awm leh ta mek bawk! Da Vinci Code lehkhabu chhuak chuan helh a hlawh hle a, film hmanga chhuah a ni leh phei chu tem thei lo an tam ta. Zoram; Kristiannain kum 100 chuang a chenchilh tawh, Harhna kum 100-na hmang mekte rinna lama min tihbuai hlauvin mithrahnemngai threnkhatten awka an chhuah ta hial a nih hi. Khawvel hmun hrang hrangah duhtu leh duh lotu an phir ta thruih mai. Hengte han hriat hian Dan Brown hming hi mite thinlungah a thum dup dup a, lâr lam a pan mek zel a nih hi maw..
Dan Brown chu..
Presidential Award dawng tawh; Math proffessor turu tak fapa a ni a, English zirtir hna a thawk a, lemziak hlui buaipuia lemziah lama tui tak nupui nei; Dan Brown hi science leh sakhuana thil buaipui thrin chhungkua atranga seilian a nih vang ni maw thuruk inthup hailan lam hi a tuina zawng tak a ni. A nupui Blythe hian nasa takin a pui bawk thrin. Tichuan, TIME chanchinbu chuan khawvela mihring rilru hnehthei 100 zingah a telh ve a, Forbes, GQ, people chanchinbu kawm a mawi tawh a. CNN, the Todays Show, Voice of America-ah te hun a hmang tawh a. Tin, Dan Brown hi Kristian a ni bawk a ni.
Da Vinci ve thung hi...
Mimak danglam tak chu a ni ve hrim hrim a, englo thenna lam pawh a ngah viau bawk. Tin, a lemziah tam zawkte hi eng nge awmzia tia chhuitu an la chhuak zel a, Mona Lisa pawh hi mipa nge a nih hmeichhia hriat chian a ni thei meuh lo. Leonardo-a’n ama lem a leh Mona Lisa hi an inang bon top! Tin, zanriah hnuhnung lem a ziahah khan kut pakhatin chemte keng a rawn dah tel ringawt bawk a, ngai kawi duh tan chuan ngaih kawih tur hi a hnutchhiah hnem ve em bawk a ni e.
Ti zawng hian...
Israel kan ni tiin an rawn phul vak a, kan phawk hru a, Isua leh Mari Magdalini an innei an tia kan tang leh huang bawk. Kan nihnaah hian kan chiang lo lutuk em aw? Mizo kan nihnaah hian duh tawk mai ila, chiang ila, Tin, Kristian; Lal Isua hnungzuitu kan nihnaah hian chiang bawk ang u. Dan Brown kan hre tawh a, English zirtira khawvelin a hmelhriat lem loh avang hian intihlar tumna khawvelah hian a zuanglut ve ta ngawt a ni mial thei. A enga pawh chu lo nise, kan Bible a kalh dan hi chu dah thra pawh ila, Dan Brown-a thluak \ha lutuk hi a ngaihtuahawm bera chu a ni. Hun leh tha tam tak a seng dawn a, a ngaihtuahna \ha lutuk hmangin he thawnthu hi thu takah a rawn lalut ta pawh a ni mial thei. Chu pawh chu ni se, pa pakhat chu a ni ve reng reng e.
Engtin zel nge..?
Kan bible a kalh avangin han pawm zam vak ngaihna a awm lo phawt. Thu tak hla taka bawl dawnin kan naute an ngaihtuahawm tlat. Hei hian kan rilru a tibuai a ni. A lehkhabu lakluh khap dawn ila, kan tlai nasa tawh lutuk si a, a film lakluh khap bur dawn ila, kan naute hian internet atrangin an la leh dawn chiang bawk si. Pulpit tlangah sermon pui dawn ila, a zia lutuk awm si lo va, Kohhran ziaktuten han puang thum dup dup dawn se la, hrechiang mang lovin kan dai loh tur kan dai a hlauhawm bawk si. Kan fate thiamna sang zelah khawvel thiamna chhawr phakin an tual lim a. Saptrawng nal taka trawng pawh thiam taka an lo lehlin zung zung theih tawh avang hian heng ang lehkhabute hian ngaihven a hlawh zual bik a, thu thar leh mak ngaihven rual a nih avang hian an bawr hut hut zel dawn tlat. Heia mak leh dangdai pawh hi a la chhuakzel dawn si a. Chuvangin, kan naute hnenah hian thiam takin kan Kohhran thurin leh kalhmang kan zirtir uar deuh deuh tur a ni. Chu chu thranhnan tir ngei ngei a ngai bawk. Tin, kan naute hi awareness thra tawk tak; hetiang laka an fihlim dan tur i ngaihtuah bawk ang u. (2006)
0 Comments