A TLAI ZO TA AN TIH HMAIN

Ka inngaihtuah buai nge ka kalna kawng reng ka lo en lo? Min tawk zawnga rawn kal nen chuan chiang lutuk tak mai hian kan insu sawk mai a. “Khai aw! Ka tihpalh lutuk tlat.” “A! Keima thiam loh zawk a nih kha, min ngaidam rawh,” tiin inthlahrung leh inthiam lo tak chuan min rawn chhang a. Eng eng emaw kan sawi hnuah chuan thra takin kan ‘inmangthra’ ta a. In ka thlen chuan thil a lo danglam leh ta daih mai. Rawngbawl a lo ngai a, hah nen meikhu leh eng ilo rim nen kan inpawlh nawk a. Zanriah kan kil tur chu ka fapa ka kiangah a lo ding reng a. Ka ban vai chuan ka nghawk a, ka fiana ka chawhmeh suah chu a per ta nawlh a. “I va han mawl chhih chheh em. Thlawk bo rawh,” tiin ka hrawk ta hrep a. A rilru tereuh tê chu na tih hriat tak hian a kal hnak hnak a, thrutna pindanah chuan a kal bo ta a. Ka trawngkam hman kha eng ang chiaha na nge a nih ang tih ka ngaihtuah hauh lo. Zing ka tho chu ngaihtuahna mak tak ka rilruah a lo lut ta. Pathian aw nite pawhin ka hre nghe nghe. “I hriat ngai miah loh lakah hawihhawm takin i che a. I hmangaih i fapa lakah erawh hawihhawmna i tlachham hle si.” “Enteh, I choka chhuat saw va en teh. Pangpar vuai nãn saw i hmu em? Saw saw i rawn haw lawmna atan lo pek che tumin inthlahrung tak hian i chaw eina kiangah a rawn ding a. Nang erawh chuan mittuiah i lo chansak ta si.” Ka ngaihtuahna tlem lutuk chu ka inhrechhuak a, ka mit atrang chuan dan hman lohvin mittui a rawn hnam chhuak. A khum kiangah chuan rang takin ka kal a. “Bawiha min ngaidam rawh, ka sawi loh tawo tur i lakah ka lo sawi a ni. He pangpar hi min pek i tum ti raw?” “Aw ka nu, a pawl kha i ngainain ka hriaa, thingbuk hnuaia par ka lawh a nih kha.” “Bawiha, min ngaidam mawlh teh.” “Ka nu a enga pawh chu nise ka HMANGAIH che asin.” “Keipawhin ka hmangaih che.” Zan khat mitchhin lo tawk ila, ka hnathawhnate chuan ka ai mi an la leh mai ang a. Ka kalsan ka chhungkaw tan chuan channa lian tak a ni dawn si. Ka chhungkua ai hian ka hna ka lo ngai pawimawh a, mi dang lakah ka lo phungthlu mah mah a ni. CHHUNGKAW ropuina hi PATHIAN atrang lo chuan hriatthiam a har a nih hi.