Mizo zinga mitdel zaithiam kan neih lar tak chu Roliana Ralte kha a ni a. Chumi hnuah Rocky-a’n rimawi dawhsan a rawn zuangkai leh a nih kha. A bak chu kawng sira mitdel zai kan neihte hi an ni leh mai!
“Piangsualte hmusit lovin i tranpui zawk ang u,” tih intar hmuh tur la tamna Mizoramah hian Piangsualte kan hmusit lo va, kan tranpui nasa. Mahse., sawichhuah hram ka duh chu ~ dawhsan kan siamsak tawk lo. Tranpuina lamah hma sawn viau angin lang mahila kan chhawmdawlna hi hmuh tur a vang a nih hmel tlat!
Dinglama mi hi mitdel a ni, rimawi khawvela dawhsan ropui zawng zawngah hian a hmel hmuh tur a awm a, sulhnu a hnutchhiah nel nual tawh. 1999 khan Grammy Award semnaah Celine Dion nen The Prayer hla an sa a, mitdel a ni tih reng ka hre lo!
_______________________________________Dolién___________________________________________
Football leh Bocelli!
Opera music ngaihsanna hmun leh football atchilhna ram Italy-a piang a nih avangin Bocelli tan hetiang hi a mikhual lo nghal. 1958 khan Lajatico, Italy-ah a piang a, kum 6 a nih chuan khaprik tum a zir tlauh tlauh tawh a, hemi paha flute leh saxaphone han zir tel vel pawh chu nuam a ti thei phian! A naupanlai chanchin a sawi apianga a hmaih ngai loh chu, “Chhungkaw inhmuhkhawm apianga an zaitir ber ka ni,” tih hi.
1970 kha a ni a, kum 12 a upa a ni ve ta reng mai. Tuscany-ah chuan foorball inkhel hmuhnawm tak a awm a, a tana vanduaina a inmung a ni tih hria se he mipa naupang hi inah khaprik kiangah thruin a zai ngei ang. Mahse, football atchilhna rilru chuan a kuai peng a, chu lamah chuan a rilru a kal thui zawk tlat. Inkhel chu a en ngei a, hmuhnawm pawh a ti hle. Inkhel a enlai chuan an tipalh ta. A lu-ah tak an tipalh a, a mit chu a vai chum chum a, reiloteah khua a hmu thei ta lo reng mai! Doctor an han rawn hnuah chuan a lo tlai zo tawh. Piantirh atranga mit thra lo a neih bawk avangin a mitin khua a hmu thei ta lo a ni.
O Sole Mio...
A chetsual kum hian inzaisiakna a awm a Vierregio hmunah a ni. He inzaisiakna Margherita d’Oro-ah hian chhungkaw zaithiam Andrea Bocelli hmel chu a rawn lang ve hlawl a, mipa naupang mitdel chu. Eng tak chu sa ang maw tia mipuiten an beng an dawh ha lai chuan thiam lutuk tak maiin ‘O Sole Mio tih chu a rawn thlawh ta. Endiktute leh mipui beng a fah ngang a ni ang pakhatna lawmman a la nghe nghe a ni. (O Sole Mio hi Elvis-a ten ‘Its Now or Never,’ tih hla an sak thluk kha a ni a, Bryan Adams leh Luciano sak phei kha chu nalh dangdai tak a ni-D)
A mitin khua hmu tawh lo mah se a thluak a thrat em avang chuan lehkha a zir chhunzawm zel a. Secondary School a zawh hnuah dan zirin University of Pisa-ah a inziaklut a. Doctor of Law-a a graduate hnuah kum khat chhung court appointed lawyer-ah a trang a, heta a fee chawi hi aman a intum vek a, a fee tur sum tuak nan bar-ah khaprik tumin a inhlawh thrin a ni.
1992 khan Italian Tenor lar Franco Corelli hnenah zai a zir \an a, hla har tak tak leh un tak takte inzirtirin Corelli pawh hian a theihtawp a lo chhuahpui a, a master class chu hnehsawh takin a thiam ta thuai reng a ni.
Zucchero chher Bocelli
Zucchero leh rock music ngainate inhmelhriat loh a inhmeh lo. He Italian rock star chanchin hi kan sawi dawn lo va, Bocelli a chhar chhuah dan erawh sawi lan a ngai tlat.
Miserere hla a sakpui turin Tenorist thiam tak a mamawh a, chumi atan chuan audition pawh a buatsaih nghe nghe. Audition-a aw rawn thawh zawng zawngte chu the great Luciono-a a ngaihthlak tir a. Luciano Pavarotti hi final selection buaipuitu ber a nih chu. Bocelli aw ngaihnobei lutuk a hriat chuan midang chu sirah hnawlin Zucchero hnenah chuan zaipui ngei turin a rawn a. “Hla mawi tak i phuah a, ka zaipui ngai reng reng lovin Andrea kha zaipui ngei ang che,” tiin lehkha a thawn hial a ni.
Amaherawhchu Zucchero hian boruak nei sa Luciono hi a hre ran a, a thlem fe hnuah a tlu thei hram a, a hla chu Luciono nen an sa ta zawk a. Miserere hi Europe ramah chuan hit lutuk tak a ni ringawt.
Tour a lo trul a, Luciono-a’n a zui hman tak lovah chuan Andrea chu a sawm ta a, ani lah a lo phur kher mai. Tour an nei chho ta a, mipuiten Andrea Bocelli chu an lo hre tran ta reng mai.
Mahniin ke a chhep tran
Sugar Record chuan an hnuaiah contract an ziahtir a. Hemi hnu lawk hian inzaisiakna ropui tak; Sanremo Music Festival a newcomer category-ah pakhatna lawmman a hum haw a. A point hmuh zawng zawng hi tun thlengin tumah rengin an la phak lo!
A kum leh; 1994 khan he intihsiaknaah tho hian a tel leh a,‘Il mare calmo della sera’ ah a hming a pe ve a, newcomer-ah pakhatna bawk a hauh leh a ni.
Hemi kum vek hian a hmasa ber atan album a siam a, inzaisiaknaa an hlapui hming chu album-ah hmangin a release atranga reiloteah Italian Chart-ah Top 10 a rawn kai nghal a, Platinum hial a kai bawk a ni.
Andrea Bocelli hian album sawm leh pakua zet a siam tawh a, Opera leh Pop category-ah threnin a hralh thra thei hle.
A inlanna te
Pope John Paul II kiang, St. Basillica-ah Adeste Fideles a sa a, US Prsedent hlui Bill Clinton-a kiang; White House-ah a zai a. IBF World Light - Heavyweight Boxing champion; Henry Maske thlah nan a zai a, World Youth Festibval-ah Pope awmlaiin a zai a, Pope awmlai vek; International Eucharistic Congress-ah a zai a. 41st Grammy Award-ah Celine Dion nen an zai a, US-a Democratic Party ten an buatsaih programme-ah a zai a, World Trade Center-a thite sunna Catholic kohhranin an buatsaihah a zai bawk a, Royal National Institute of Blind People tan British lal chhungkaw hmaah a zai a, Manila, Hongkong leh Singapore-ah te a zai a, Princess Diana thih cham vawi 10-na ah pawh a zai. A zaina zawng zawng hi tarlang vek dawn ila, a thui dawn lutuk a; kumin Grammy-ah pawh Josh Groban nen an zai kha, tarlang vek tawh lo mai ang.
Neuh neuh
- Andrea hian Enrica Cenzatti nupuiah neiin fapa pahnih an nei a. Hemite nupa hi 2002 kum khan inthrenin tunah hian nupui hual thar Veronica Berti a nei a ni.
- “Critics leh mipuite hian mitdel i nih avang hian an khawngaih bik che niin i hria em?” tia an zawhna chu, “Beethoven kha a hming sawi rik a nih apiangin Beethoven a, hla phuah thiam bengngawng tih a ni a. Kei pawh Andrea Bocelli zaithiam mitdel tiin min hriat ka duh, mitdel zaithiam tih ni lovin. Mi tam zawk chuan min khawngaih ngei ang tih chu ka hria a lawm. Mahse, ka theihtawp ka chhuah ve a nia aw.., ka theihtawp. Keima tan chauh ni lo, keimah anga pianphunga rualbanlote tan hian kawng sial ka tum a ni,” a ti then.
- Vawi tam tak Opera maestro Luciano Pavarotti nen hian tehkhin an ni thrin a, amah aia thiam ti tawk pawh an awm treuh. Ani erawh chuan, “Uluk taka ngaithla ngai lote tan chuan hetiang miropui lutukte nena min khaikhin thrin pawh hi ka dem lo. Kei chuan classical background thra tak ka nei a, inzir zel ka hmabak bawk,” tiin a chhang.
Mizo zinga mitdel zaithiam kan neih lar tak chu Roliana Ralte kha a ni a. Chumi hnuah Rocky-a’n rimawi dawhsan a rawn zuangkai leh a nih kha. A bak chu kawng sira mitdel zai kan neihte hi an ni leh mai!
“Piangsualte hmusit lovin i tranpui zawk ang u,” tih intar hmuh tur la tamna Mizoramah hian Piangsualte kan hmusit lo va, kan tranpui nasa. Mahse., sawichhuah hram ka duh chu ~ dawhsan kan siamsak tawk lo. Tranpuina lamah hma sawn viau angin lang mahila kan chhawmdawlna hi hmuh tur a vang a nih hmel tlat!
Dinglama mi hi mitdel a ni, rimawi khawvela dawhsan ropui zawng zawngah hian a hmel hmuh tur a awm a, sulhnu a hnutchhiah nel nual tawh. 1999 khan Grammy Award semnaah Celine Dion nen The Prayer hla an sa a, mitdel a ni tih reng ka hre lo!
_______________________________________Dolién___________________________________________
Football leh Bocelli!
Opera music ngaihsanna hmun leh football atchilhna ram Italy-a piang a nih avangin Bocelli tan hetiang hi a mikhual lo nghal. 1958 khan Lajatico, Italy-ah a piang a, kum 6 a nih chuan khaprik tum a zir tlauh tlauh tawh a, hemi paha flute leh saxaphone han zir tel vel pawh chu nuam a ti thei phian! A naupanlai chanchin a sawi apianga a hmaih ngai loh chu, “Chhungkaw inhmuhkhawm apianga an zaitir ber ka ni,” tih hi.
1970 kha a ni a, kum 12 a upa a ni ve ta reng mai. Tuscany-ah chuan foorball inkhel hmuhnawm tak a awm a, a tana vanduaina a inmung a ni tih hria se he mipa naupang hi inah khaprik kiangah thruin a zai ngei ang. Mahse, football atchilhna rilru chuan a kuai peng a, chu lamah chuan a rilru a kal thui zawk tlat. Inkhel chu a en ngei a, hmuhnawm pawh a ti hle. Inkhel a enlai chuan an tipalh ta. A lu-ah tak an tipalh a, a mit chu a vai chum chum a, reiloteah khua a hmu thei ta lo reng mai! Doctor an han rawn hnuah chuan a lo tlai zo tawh. Piantirh atranga mit thra lo a neih bawk avangin a mitin khua a hmu thei ta lo a ni.
O Sole Mio...
A chetsual kum hian inzaisiakna a awm a Vierregio hmunah a ni. He inzaisiakna Margherita d’Oro-ah hian chhungkaw zaithiam Andrea Bocelli hmel chu a rawn lang ve hlawl a, mipa naupang mitdel chu. Eng tak chu sa ang maw tia mipuiten an beng an dawh ha lai chuan thiam lutuk tak maiin ‘O Sole Mio tih chu a rawn thlawh ta. Endiktute leh mipui beng a fah ngang a ni ang pakhatna lawmman a la nghe nghe a ni. (O Sole Mio hi Elvis-a ten ‘Its Now or Never,’ tih hla an sak thluk kha a ni a, Bryan Adams leh Luciano sak phei kha chu nalh dangdai tak a ni-D)
A mitin khua hmu tawh lo mah se a thluak a thrat em avang chuan lehkha a zir chhunzawm zel a. Secondary School a zawh hnuah dan zirin University of Pisa-ah a inziaklut a. Doctor of Law-a a graduate hnuah kum khat chhung court appointed lawyer-ah a trang a, heta a fee chawi hi aman a intum vek a, a fee tur sum tuak nan bar-ah khaprik tumin a inhlawh thrin a ni.
1992 khan Italian Tenor lar Franco Corelli hnenah zai a zir \an a, hla har tak tak leh un tak takte inzirtirin Corelli pawh hian a theihtawp a lo chhuahpui a, a master class chu hnehsawh takin a thiam ta thuai reng a ni.
Zucchero chher Bocelli
Zucchero leh rock music ngainate inhmelhriat loh a inhmeh lo. He Italian rock star chanchin hi kan sawi dawn lo va, Bocelli a chhar chhuah dan erawh sawi lan a ngai tlat.
Miserere hla a sakpui turin Tenorist thiam tak a mamawh a, chumi atan chuan audition pawh a buatsaih nghe nghe. Audition-a aw rawn thawh zawng zawngte chu the great Luciono-a a ngaihthlak tir a. Luciano Pavarotti hi final selection buaipuitu ber a nih chu. Bocelli aw ngaihnobei lutuk a hriat chuan midang chu sirah hnawlin Zucchero hnenah chuan zaipui ngei turin a rawn a. “Hla mawi tak i phuah a, ka zaipui ngai reng reng lovin Andrea kha zaipui ngei ang che,” tiin lehkha a thawn hial a ni.
Amaherawhchu Zucchero hian boruak nei sa Luciono hi a hre ran a, a thlem fe hnuah a tlu thei hram a, a hla chu Luciono nen an sa ta zawk a. Miserere hi Europe ramah chuan hit lutuk tak a ni ringawt.
Tour a lo trul a, Luciono-a’n a zui hman tak lovah chuan Andrea chu a sawm ta a, ani lah a lo phur kher mai. Tour an nei chho ta a, mipuiten Andrea Bocelli chu an lo hre tran ta reng mai.
Mahniin ke a chhep tran
Sugar Record chuan an hnuaiah contract an ziahtir a. Hemi hnu lawk hian inzaisiakna ropui tak; Sanremo Music Festival a newcomer category-ah pakhatna lawmman a hum haw a. A point hmuh zawng zawng hi tun thlengin tumah rengin an la phak lo!
A kum leh; 1994 khan he intihsiaknaah tho hian a tel leh a,‘Il mare calmo della sera’ ah a hming a pe ve a, newcomer-ah pakhatna bawk a hauh leh a ni.
Hemi kum vek hian a hmasa ber atan album a siam a, inzaisiaknaa an hlapui hming chu album-ah hmangin a release atranga reiloteah Italian Chart-ah Top 10 a rawn kai nghal a, Platinum hial a kai bawk a ni.
Andrea Bocelli hian album sawm leh pakua zet a siam tawh a, Opera leh Pop category-ah threnin a hralh thra thei hle.
A inlanna te
Pope John Paul II kiang, St. Basillica-ah Adeste Fideles a sa a, US Prsedent hlui Bill Clinton-a kiang; White House-ah a zai a. IBF World Light - Heavyweight Boxing champion; Henry Maske thlah nan a zai a, World Youth Festibval-ah Pope awmlaiin a zai a, Pope awmlai vek; International Eucharistic Congress-ah a zai a. 41st Grammy Award-ah Celine Dion nen an zai a, US-a Democratic Party ten an buatsaih programme-ah a zai a, World Trade Center-a thite sunna Catholic kohhranin an buatsaihah a zai bawk a, Royal National Institute of Blind People tan British lal chhungkaw hmaah a zai a, Manila, Hongkong leh Singapore-ah te a zai a, Princess Diana thih cham vawi 10-na ah pawh a zai. A zaina zawng zawng hi tarlang vek dawn ila, a thui dawn lutuk a; kumin Grammy-ah pawh Josh Groban nen an zai kha, tarlang vek tawh lo mai ang.
Neuh neuh
0 Comments