Happy Birthday to Me

Lei anchhedawng nia an sawi hre ve miah lova he khawvel boruak ka hip hmasak ber trum kha tun ang hun, tun ang khaw ti deuh pir per, July ni 3 a ni. Ka han ngaihtuah let a, ka hringnunah khan trah leh nuihten hma an hruai a, hmabak leh harsatnaten chhelna nasa tak min hnutchhiah a, lungngaihna leh lawmnaten vawiin hi min thlen a ni!

Ka rilruah kan chhungkua; min boralsan tawh ka pa leh ka farnu an rawn lang a, thla hnih dawn inhnialna atthlak ni lo, rilru fim taka inhnialna avanga ka biak tawh loh ka nu an lang hmasa ber, a tê emaw a lian emaw ka piancham duhsakna thilpek hi ka hriat theih atrangin ka nu hnen atrangin ka dawng thrin... Ka piancham engtiklai maha theihnghilh ngai lotute an ni ka chhungte hi.

Keimah mai hian khawvel ka hmachhawn dawn emaw ka ti a, harsatna ruamah ka lut a, ka tawlhthlu fo va, khawhar takin ka hun ka hmang liam ang chu tihte ka ngaihtuah laiin kum 3 chu kan lo inkawl ve ta reng a. Kan induhna erawh kum 6! Kan inhmelhriatna kum 7. Khang kum 6 chhung khan ka piancham thilpek thra ber ka dawng ziah a, nimina office ban ruala min pek thilpek duhawm tak ka dawng leh bawk. A vaiin vawi 7 a ni ta, ka lawm e Honey.