Hrisel hlutzia hi ka fate kum an tlin hma atrangin ka hre chhuak ka inti ve. A bikin keimah hi Pathian zarah natnain a tlakbuak loh pawl ka ni thrin a. Ka ban ruh ka sawhtliah te, ka hmaia arngengpui a awm leh pumpui ulcer avanga ka nat tih bak kha chu luna, khawsik vel hi ka palzam khawp mai. Kan inneih atrang phei chuan tun hi ka dam loh vawi khatna a ni hial awm e a. Blood sugar neuh neuhte hi chu dam lohna lam ni lovin ka nikhua loh vangah ka puh thung a, ka control thei. Tuna ka natna erawh control theih pawh a ni lo. Kei chauh ni lova ka chhungte; ka nupui leh fanauten an kai ve zel erawh hi chu hriatthiam sen a har khawp mai. A chhan pawh a thawh dan a nat em vang a ni. Naupang kum 2 mi tan chuan na tak tur a ni tlat...
Ka fate avanga ka insenna hi chhut tham fe a ni ta ve ang, malsawmna ka dawn an nih avang hian ka phun ngai lo thung. Ngaihtuahna thra lo takin rilru a rawn luah dawn pawh hian an pian dawn maha kan huphurh lawk kha tiin ka inhnem a, ka hlimna leh ka nun tinuamtu an nihnate ka ngaihtuah chhuak ziah a, phun tur ka lo ni lo tih ka inhre ziah bawk.
Sik leh sa inthlak avangin hri a leng fo va, kum dangah pawh ka kai ngai hauh lo. Kumin chu eng ka ti teh rng emaw ni ka paper present zan atrangin ka khuh ta chiam chiam mai a, Swine Flu te rilruah a lang. Khawsikin a zui a, ka la tlun hrep zui. Ni 2 ngawt khumah ka intuam hlawm a. Ka reh fel dawn tihah kan nu lamah a thawk ve leh a, ka nat ang chiahin a na a, a tuk lawkah ka fapa a khua a sik ve leh. Kan nu a thra chho dawn chauhva ka fapa a khuh hnawk tawlh tawlh a, a awm nâ a tilutuk a muthilhpui thei lo. Hmuh hrehawm tak a ni. Doctor-te lah chuan tunlai hri an ti mai bawk si. Tunah a u zawk, ka fanu chu a khua a sik chhunzawm ve leh ta. Kan chhungkuain kan na a ni ber mai.
Tlai lamah COREX (Ruih nana an hman thrin) hi ka lei ve hmiah mai a, khulh pawp. Ka fate pawh ka pe, rinai takin a thawk thra a, kan mu tui hlawm phian. Engkim Pathian kuta kawltir mai loh zawng tih vak ngaihna pawh a awm meuh lo. Hritlang lah hi khuh na tak a ni si a, ka inkhuh chau zo, ka thin zawnte hi a na threm thrum tawh. Ka dinhmun ka ngaihtuahin ka fate rilruah an lang hmasa ber lo thei lo. A nat dan ka ngaihtuahin ka khawngaih khawp mai. Trawngtraina mai lo chu innghah ngamna kan nei lo ve
4 Comments
Ekhai, naupang neih chuan kan inkai chhawng diat diat zel alawm. Mahse hritlang satliah hi chu kum khatah vawithum emaw neih ziah hi a hrisel duh zawk an ti a, damdawi pawh ei a ngailo - Mut teuh ani mai. Khuh hian khuh damdawi in hi a hrisel loa (Chuap a khawih chhiat avangin), naupang phei chu lo pe tawh reng reng suh ang che - Purun var leh tel kan pawlh an awmah chulh mai rawh, sawhthing hem lum ei pawh a tha tho. I khuah a sik leh chuan inkhuh tawhlo bawk ang che, i tlun nachhan chu i inkhuh lum vang ani e. I pang a sat zualin vur/tui in dep la, a sat viau chuan inbual dai mai rawh - I pang sa a tla nghal mai ang.
ReplyDeleteKeini pawh thla hmasa, thlatir khan, kar hnih ngawt ka fapa hritlang leh khawsik in a tibuai a - Kan buai khawp mai, zanlam mut a har thin khawpa. Damtlang leh siau turin ka duhsak a che u.
thank khiu :D Khuma mu khi a nu a nia, ka fate khi an kai hlima ka lak a nia, a u zawk khian brasier hi a lawm tawp mai a. A chhan pawh a hrui hi vuan lovin a muhil thei lo. A nu a dam si lo va, a vawn thrin ber a chauh avangin amah kan awrhtir tawp. A lawm ve em em tho :D
ReplyDeletedolien..lo dam vat teh u,..a bik tak in naupang damlo ngat phei hi chu an khawngaihthlak awm leh zual !! blood sugar te i nei em ni a?
ReplyDeletenei ang chu maw le, ka thak nen a buaithlak asin
ReplyDelete