Minute 5 lawk!!

Park-a infiamna hmunah chuan thrutthleng nuam tak a awm a, chutah chuan nu pakhat leh pa pakhat hi an thru dun a.
“Ka fapa a nih saw,” tiin kawrlum sen ha, tawlh pahrita tawlh mek chu a kawk a. Mipa zawk chuan, “A duhawm hle mai. Sawlaia kawr sen ha, thirsakawr khalh saw ka fanu a nia,” tiin a chhang a.
A sana chu a en vang vang a, “Melissa, i haw tawh ang hmiang,” tiin a fanu chu a ko va. Melisaa chuan ring leng lawng hian, “Ngawi lawk rawh ka pa, minute nga chauh aw...” tiin a rawn chhang a.
Chu pa chuan a lu a bu nghut a. Melissa chuan a thirsakawr chu phur takin a khalh chak sauh va. Minute nga a liam hnuah chuan a pa chu a rawn ding chhuak a. “Bawihi, i haw tawh ang hmiang,” tiin a fanu, tui tak leh nuam ti taka thirsakawr khalh mek chu a ko va.
“Ngawi raw. Minute nga chauh maw le ka pa, han ti leh hram la... aw..” A pa chuan nui deuh saih chung hian, “I tih tlat chuan le, va khalh leh ta poh che,” tiin a chhang liam leh a.


“Khai, i va han dawhthei tehlul em!” a kiang nu pakhat thu chuan a ti a.
“A.. A u Tommy-a hi nikum khan driver zurui pakhatin a suhlum a. Helai hmuna thirsakawr a khalh lai thova thil thleng a ni. Tommy-a tan khan ka hun ka lo pe ngai mang hauh lo tih ka hrechhuak a. Tunah hian la dam ni ngat se chuan minute nga chhung atan hian a tan pawh ka thi duh hial ang. Melissa-i chungah hian tihsual ka neih tawh loh nan thu ka lo tiam tawh a ni.
Minute nga chhung thirsakawr khalh theihna hun neia a inngaih apiangin keiin minute nga dang a infiam lai hmuhna hun ka lo nei a ni,” tiin a chhang a.
Nun hi tih hmasak tur zawk ngaihtuaha hun hmanna a ni a. Eng nge i tih hmasak zawk tur chu. Lo ngaihtuah ve teh le... i tlai ve palh ang e.