Lemziak mawi ber

Kum 3 leh thla 5 kan hmangho zo ta! ABC an sawi ve lauh lauh tawh a, Nursery Rhymes an tuipui tran a, Tom & Jerry leh Mr. Bean an duh em em a, TV-a a chhuahlai chuan a dang tihsawn a har ta tralh mai... Fa enkawl hi a lo va har em ve aw... Ka fate chuan min control tur a ni lo tia inlak pa ngawt theih a ni ta meuh lo! 

An ninhlei deuh hian pen leh paper kan pe tawp a, an thai mawlh mawlh a, ka lo ngaihsak ngai miah lo. Tukin chu eng nge an ziah ve thrin teh reng tiin an thil ziah chu a rukin ka enthlaa hetiang hi an kuthnu a ni ta mai a. MAK ka ti kher mai! Milem riruang an hre ve tlat! Cartoon an en atranga an suangtuahna a nih ka ring ringawt. Min chhun chuan milem ziah an peih viau turah ka ngai bawk :P A hmasa zawk hi a u, hmeichhe ziah a ni a, a hnung zawk hi a nau mipa ziah a ni e.