Iptepui ka ak reng a!!

Iptepui ak tlata inhriatna hi atna chi khat a nih chuan 'Mi a' ka ni. He hringnun kawng chhuk chhovah hian kum engzah tak iptepui hi lo bat hnawk ve tawh ang imaw tiin ka inchhut a, a lo tam ve ta hle.

Chumi kuma kan kawmthlangnu min thruisak han tih mai tur ka nei lo erawh ka buaina a ni a, ka ahna chin ka hriat lawk loh ang bawkin ka ahtirh te pawh ka hre chuang lo! Hei erawh ka chiang; Ka iptepui hi a liam fo va, a liam reng lo. A khat chang chang trum a awm a, a phai em em trum a awm bawk. Mahse ka hriat theih ata vawi khat mah a la ruak lo a ni.

Chu chu ka ipte dinhmun a ni. A hrui pehbuk tih lam pawh a ni chiah chuang lo. A rawng pawh vutbuak han tih theih a ni hek lo. Kei pawn ka hre bik lo. Hmuh theih loh iptepui ah ka neiin ka inhre tlat si lai hi a ni buaithlak zo ta chu.